Isang dating mayor na ngayon ay vlogger ang pinatawan ng lifetime driving ban matapos mag-viral ang isang video na nagbunsod ng imbestigasyon ng LTO.
Naglabas ang LTO ng show-cause order laban sa driver, sa vlogger, at sa rehistradong may-ari ng sasakyang sangkot sa insidente.
Depensa ng vlogger, scripted lamang umano ang video, at ang lalaking tumatakbo ay kaibigan niyaβhindi totoong gas station attendant. Dagdag pa niya, ang gasolinahan ay pagmamay-ari niya, kaya kontrolado umano ang sitwasyon.
Ayon kay LTO Chief Markus Lacanilao, hindi dapat ginagawang biro ang ganitong uri ng content at iginiit niyang lahat ay may dignidad na dapat igalang.
Isang dating mayor na ngayon ay vlogger ang pinatawan ng lifetime driving ban ng Land Transportation Office (LTO) matapos mag-viral ang video kung saan tila hinahabol ng isang gas attendant ang kanyang sasakyan matapos magpakarga ng gasolina. Dahil dito, naglabas ng show-cause order ang LTO laban sa driver, sa vlogger, at sa registered owner ng sasakyan.
Kalaunan, iginiit ng vlogger na scripted lamang ang video at ang tumatakbong βattendantβ ay kaibigan niya na boluntaryong sumali. Gayunpaman, nanatiling hati ang opinyon ng publiko, kung saan marami ang hindi naniwala sa kanyang paliwanag.
Sa panayam, sinabi ni LTO Chief Markus Lacanilao: βApparently parang pinaglalaruan niya e yung empleyado niya, na kahit empleyado niyang βyun, pare-pareho tayong tao. Huwag niyang paglaruan porkeβt mahirap yung tao niya, huwag ganun.β
Sa ngayon, nasa ilalim pa ng imbestigasyon ang insidente at hindi pa pinal ang desisyon ukol sa lisensya ng dating mayor. Samantala, naka-monitor na ang kanyang sasakyan habang patuloy na sinusuri ng mga awtoridad ang pangyayari. Ang insidente ay nagsisilbing paalala sa responsibilidad sa paggawa at pagbabahagi ng online content.